Təyyar pivə sifariş etdi. Nədənsə, mətləbə keçmək onun üçün çox çətin idi. Bilmədi, sözə hardan və nədən başlasın. Nəhayət Emin dilləndi:
– Bilirsən təqvim oğrusuna məhkəmədə neçə ay iş verdilər?
– 12 ay.
Təyyar belə əyləncəli sualları dostundan tez tez eşidirdi, bu dəfə hazırcavab oldu və bayaqdan qəlbini sarmış həyəcanını söndürmək üçün eyni ahənglə məzəyə keçdi:
– Bəs sən bilirsən qatil əylənmək istəyəndə nə edir?
– Vaxt öldürür?
– Əhsən! Yaxşı bəs ona neçə il düşür?
– Bax bunu hakimdən soruşmaq lazımdı.
Ofisiant Təyyarın sifarişini gətirdi və pivənin qapağını ehmalca açıb bakallara süzdü və onlardan aralandı.
(“İki dünya arasında” hekayəsindən)
